VIZAGVISION:మంచుకొండల మధ్య లేలేత సూర్యకిరణాలు..

మంచుకొండల మధ్య లేలేత సూర్యకిరణాలు..
నింగిని తాకే దేవదారు వృక్షాలు..
జలజలజారే జలపాతాలు, అలల అలికిడి లేని కొలనులు..
కశ్మీర్‌లో అడుగడుగునా ఎదురయ్యే సుందర దృశ్యాలివి.
నాణేనికి మరోవైపు అన్నట్లు కశ్మీర్‌ అనగానే ఇప్పుడు కాల్పులు, అల్లర్లే గుర్తొస్తున్నా..
ఆ రాష్ట్రం పర్యాటకానికి ఓ చిరునామా. ఏటా లక్షల మంది పర్యాటకులు కశ్మీర్‌ అందాలను వీక్షించేందుకు వస్తుంటారు.
అయితే ఈ మధ్య ఆందోళనల కారణంగా ఇక్కడికి వచ్చే వారి సంఖ్య తగ్గుతోంది.
దీంతో పర్యాటకులను ఆకట్టుకునేందుకు కశ్మీర్‌ టూరిజం ఓ లఘుచిత్రాన్ని రూపొందించింది.
ఈ వీడియో ఇప్పుడు సామాజిక మాధ్యమాల్లో దూసుకెళ్తొంది.
24 గంటల్లోనే 10లక్షల మంది దీన్ని వీక్షించారు.
కశ్మీర్‌ అందాలు.. అక్కడి ప్రజల ఆత్మీయత గురించి పర్యాటకులకు చెప్పేందుకు ‘వార్మెస్ట్‌ ప్లేస్‌ ఆన్‌ ది ఎర్త్‌’ పేరుతో ఓ లఘుచిత్రం రూపొందించారు.
అయితే 24 గంటల్లోనే ఈ చిత్రాన్ని 10లక్షల మందికి పైగా వీక్షించారు.