కంటి రోగుల జీవితాల్లో శంకర్ ఫౌండేషన్ కొత్త వెలుగులు
విశాఖపట్నం, ఏప్రిల్ 3.కంటి రోగుల జీవితాల్లో శంకర్ ఫౌండేషన్ కొత్త వెలుగులు ప్రసాదిస్తోంది.
2025-26లో ప్రజలకు మరింత చేరువైన శంకర్ ఫౌండేషన్ తన అద్భుతమైన పనితీరును సాధించి. నేత్ర రోగులకు అద్వితీయమైన సేవలు అందించింది.
ఆసుపత్రి స్థాపించినప్పటి నుండి 5.10 లక్షల కంటి శస్త్రచికిత్సలు నిర్వహించడం ఒక రికార్డు.
ఈ ప్రాంతంలో అత్యధికంగా 601 కంటి శిబిరాలను నిర్వహించి, 35,171 కంటి శస్త్రచికిత్సలను విజయవంతంగా పూర్తిచేసింది.
కార్పొరేట్ మరియు ప్రభుత్వ రంగ సంస్థల విశ్వాసమే శంకర్ ఫౌండేషన్ వృద్ధికి ఊతమిస్తోంది
2025-26 సంవత్సరం శంకర్ ఫౌండేషన్కు ఒక విశేషమైన విజయాన్ని అందించింది. ఈ సంవత్సరంలో రికార్డు స్థాయిలో 35,171 కంటి శస్త్రచికిత్సలు నిర్వహించగా, 2.2 లక్షల మంది ఔట్పేషెంట్లకు స్క్రీనింగ్ నిర్వహించింది.
ఈ ఘనతతో 1997లో కంటి ఆసుపత్రి స్థాపించినప్పటి నుండి 2026 మార్చి చివరి నాటికి, ఫౌండేషన్ 5,10,246 కంటి శస్త్రచికిత్సలు చేసి ఒక చారిత్రాత్మక మైలురాయిని చేరుకుంది. వైద్య బృందాల నైపుణ్యం మరియు పట్టుదలను మాత్రమే కాకుండా, భాగస్వాములు మరియు లబ్ధిదారుల నమ్మకం మరియు మద్దతు వల్ల కూడా ఈ విజయాన్ని సాధించగలిగింది. అంధత్వాన్ని నివారించి దృష్టిని పునరుద్ధరించడం ద్వారా జీవితాలను మార్చాలనే లక్ష్యాన్ని సాధించి తనకంటూ ఒక ప్రత్యేకతను చాటుకొంది.
ఈ అసాధారణ విజయాన్ని పురస్కరించుకుని, శంకర్ ఫౌండేషన్ ఛైర్మన్ శ్రీ ఎం. రామ్దాస్, మేనేజింగ్ ట్రస్టీ శ్రీ ఎ. కృష్ణ కుమార్ మరియు ట్రస్టీలు, వైద్యులు, పారామెడికల్ సిబ్బందిపై ప్రశంసలు కురుస్తున్నాయి
శంకర్ ఫౌండేషన్ విస్తరణ ప్రయత్నాలే లక్ష్యానికి చోదక శక్తిగా నిలుస్తున్నాయి. కార్పొరేట్లు, ప్రభుత్వ రంగ సంస్థలు మరియు ఎన్జీఓలు సీఎస్ఆర్ నిధుల ద్వారా అందిస్తున్న నిరంతర నమ్మకం మరియు మద్దతుతో, మౌలిక సదుపాయాలను బలోపేతం చేసుకుంది.అనేక గ్రామాలలో సమగ్ర ఉచిత కంటి పరీక్షా శిబిరాలను నిర్వహించడం ద్వారా పరిధిని విస్తరించింది.
ఈ సంవత్సరంలో, శంకర్ ఫౌండేషన్ ఈ ప్రాంతం అంతటా 601 అవుట్రీచ్ కంటి శిబిరాలను నిర్వహించి, 43,930 మంది ఔట్పేషెంట్లకు స్క్రీనింగ్ నిర్వహించింది. నివారించగల అంధత్వాన్ని నిర్మూలించడంలో మా అచంచలమైన నిబద్ధతను ఈ విజయం పునరుద్ఘాటిస్తుంది మరియు వెనుకబడిన వర్గాలకు నాణ్యమైన కంటి సంరక్షణను అందించడంలో అంకితభావాన్ని నొక్కి చెబుతుందని ఆసుపత్రి డిప్యూటీ జీఎం (పీఆర్, లైజన్ అండ్ కార్పొరేట్ రిలేషన్స్) కె. బంగార్రాజు ఒక ప్రకటనలో తెలిపారు.
2025-2026లో పనితీరు ముఖ్యాంశాలు:
- ఆకట్టుకునే సంఖ్యలో కంటి శస్త్రచికిత్సలు 35,171.
- అత్యధిక సంఖ్యలో ఔట్ పేషెంట్లకు స్క్రీనింగ్2,02,499.
అత్యధిక సంఖ్యలో అవుట్రీచ్ ఉచిత కంటి శిబిరాలు 601. - ఉచిత కంటి శిబిరాల ద్వారా మొత్తం ఔట్ పేషెంట్లకు స్క్రీనింగ్
43,930.
డాక్టర్ ఎన్టీఆర్ వైద్య సేవ కింద నిర్వహించిన కంటి శస్త్రచికిత్సలు
19,484.
ఉద్యోగుల ఆరోగ్య పథకం కింద శస్త్రచికిత్సలు 659 జరిగాయి.
డాక్టర్ ఎన్టీఆర్ వైద్య సేవ పథకం కింద, రోగులకు సేవలందించేందుకు బ్లాక్ ‘బి’లో ప్రత్యేకంగా ఒక రెటీనా బ్లాక్ను నిర్మించడం జరిగింది. ఈ ప్రత్యేక కేంద్రం రెటీనా రుగ్మతలకు సమగ్ర పరిష్కారాలను అందిస్తూ, అవసరమైన వారికి ప్రత్యేకమైన సంరక్షణ మరియు అధునాతన చికిత్సను అందిస్తుంది.
కార్పొరేట్ సంస్థలు, ప్రభుత్వ రంగ సంస్థలు మరియు ఎన్జీఓలు శంకర్ ఫౌండేషన్పై ఉంచిన అచంచలమైన విశ్వాసం నూతన ప్రస్థానానికి మూలస్తంభంగా నిలిచింది..ఆంధ్రప్రదేశ్ ప్రభుత్వం, జిల్లా యంత్రాంగం, డి.ఎం.హెచ్.ఓ.ఎస్, డి.పి.ఎం.ఎస్, డి.బి.సి.ఎస్ అధికారులు మరియు డాక్టర్ ఎన్టీఆర్ వైద్య సేవ జిల్లా కోఆర్డినేటర్ల నిరంతర మద్దతు మరియు మార్గదర్శకత్వం కూడా అంతే కీలకమైనవి.
శంకర్ ఫౌండేషన్ యొక్క అన్ని శాఖలు – శ్రీకాకుళం, మద్దిలపాలెం, గాజువాక మరియు మధురవాడ – ఈ సంవత్సరంలో గణనీయమైన పనితీరును కనబరిచాయి. భవిష్యత్తును దృష్టిలో ఉంచుకుని, నివారించగల అంధత్వాన్ని నిర్మూలించడం మరియు అందరికీ నాణ్యమైన కంటి సంరక్షణను అందించడం అనే తన లక్ష్యంలో శంకర్ ఫౌండేషన్ స్థిరంగా కొనసాగుతుంది…..
(
