ఫైజర్ సామజిక బాధ్యత లో భాగం గా శంకర్ ఫౌండేషన్ ఆధ్వర్యంలో మెగా కంటి వైద్య శిబిరం
పరవాడ, అనకాపల్లి జిల్లా: ప్రముఖ బహుళజాతి ఔషధ మరియు బయోటెక్నాలజీ సంస్థ ఫైజర్, శంకర్ ఫౌండేషన్ సహకారంతో ఈరోజు పరవాడలో సమగ్ర ఉచిత కంటి పరీక్షా శిబిరాన్ని నిర్వహించింది. ఈ కార్యక్రమాన్ని ఫైజర్ సీనియర్ అధికారుల సమక్షంలో, ఫైజర్ యూనిట్ అధిపతి శ్రీ బి. మురళీధర్ శర్మ లాంఛనంగా ప్రారంభించారు. ఈ కార్యక్రమంలో శంకర్ ఫౌండేషన్ జనరల్ మేనేజర్ శ్రీ కె. రాధాకృష్ణన్ మరియు డిజిఎం (పేషెంట్ కేర్) శ్రీ వి. రమేష్ కుమార్ పాల్గొన్నారు.
ఈ సందర్భంగా శ్రీ మురళీధర్ శర్మ మాట్లాడుతూ, శంకర్ ఫౌండేషన్తో భాగస్వామ్యం కుదుర్చుకోవడం పట్ల తన ఆనందాన్ని వ్యక్తం చేశారు, నాణ్యమైన కంటి సంరక్షణ సేవలను అందించడంలో శంకర్ ఫౌండేషన్ నిబద్ధతను ప్రశంసించారు. భవిష్యత్తులో మరిన్ని రోగులకు ప్రయోజనం చేకూర్చేందుకు ఈ అనుబంధాన్ని కొనసాగించాలనే ఫైజర్ ఉద్దేశ్యాన్ని ఆయన నొక్కి చెప్పారుఈ శిబిరానికి సమీప గ్రామాల నుండి భారీ స్పందన లభించింది. ఈ కార్యక్రమంలో సుమారుగా 500 మందికి పైగా రోగులను పరీక్షిం చి 350 మందికి కళ్ళద్దాలు మరియు మందులు పంపిణీ చేశారు. నాయుడుతోటలోని శంకర్ ఫౌండేషన్ ప్రధాన ఆసుపత్రిలో కంటి శస్త్రచికిత్సల కోసం 40 మంది రోగులను గుర్తించినట్లు ఆసుపత్రి డిప్యూటీ జనరల్ మేనేజర్ కె బంగార్రాజు ఒక పత్రికా ప్రకటనలో తెలిపారు.
ఈ కంటివైద్య శిబిరం ప్రారంభోత్సవ కార్యక్రంలో ఫైజర్ సంస్థ తరుపున శ్రీ రవిచంద్ర కె. (క్వాలిటీ హెడ్), శ్రీ విజయ్ మహాజన్ (ప్రొడక్షన్ హెడ్), శ్రీ రాజేష్ రావూరి (ఫైనాన్స్ హెడ్), శ్రీ అరవింద్ జయరామన్ (EHS హెడ్), శ్రీ పి. రమేష్ (బిజినెస్ ఎక్సలెన్స్ హెడ్), శ్రీ సర్జీత్ సింగ్ (టెక్నాలజీ హెడ్), డాక్టర్ ఈశ్వరరావు, శ్రీ ఎం.వి. రామరాజు (పబ్లిక్ అఫైర్స్) పాల్గొని నిర్వాహకులను అభినందించారు.
శంకర్ ఫౌండేషన్ వైద్యులు డాక్టర్ శ్రీలక్ష్మి, డాక్టర్ అపూర్వ, మరియు డాక్టర్ పవన్ రోగులకు అవసరమైన కంటి పరీక్షలు నిర్వహించి సలహాలు అందచేశారు. ఈ శిబిరానికి క్యాంప్స్ సీనియర్ మేనేజర్ శ్రీ ఎన్. అప్పల రాజు నేతృత్వంలోని శంకర్ ఫౌండేషన్ ఉద్యోగులు మరియు పారామెడికల్ సిబ్బంది అంకితభావంతో కూడిన బృందం తమ సేవలను అందించింది.
