అప్పన్నకు 26న చందనోత్సవం 18న ఏకాదశి సందర్భంగా తొలిగంధం చెక్క అరగదీతకు శ్రీకారం in Visakhapatnam,Vizagvision…

అప్పన్నకు 26న చందనోత్సవం 18న ఏకాదశి సందర్భంగా తొలిగంధం చెక్క అరగదీతకు శ్రీకారం in Visakhapatnam,Vizagvision…సింహాచలేశునికి సమర్పించే గంధం అరగదీతకు ఆలయ అధికారులు సన్నాహాలు ప్రారంభించారు. ఈ నెల 18న ఏకాదశి సందర్భంగా తొలిగంధం చెక్క అరగదీతకు శ్రీకారం చుట్టనున్నారు. ఆలయ బాంఢాగారం నుంచి బుధవారం 32.8 కిలోల చందనం చెక్కలను బయటకు తీసి ముక్కలుగా కత్తిరించారు.
అప్పన్న ఆలయ చరిత్రలోనే తొలిసారిగా భక్తులు లేకుండా ఈ నెల 26న చందనోత్సవం నిర్వహించనున్నారు. ఏడాదంతా చందనంతో దర్శనమిచ్చే స్వామివారు వైశాఖ శుద్ధ తదియ రోజు నిజరూపంలో భక్తులను కనువిందు చేస్తారు. ఈసారి తక్కువ మంది వైదికులు, సిబ్బంది సమక్షంలో ఈ తంతు పూర్తి చేస్తామని ఆలయ ఈవో ఎం.వెంకటేశ్వరరావు ఒక ప్రకటనలో పేర్కొన్నారు. కలెక్టర్‌, స్థానిక మంత్రి, పాలకమండలితో చర్చించాకే ఈ నిర్ణయం తీసుకున్నామన్నారు. దేవస్థానం యూ ట్యూబ్‌ ఛానల్‌ ద్వారా కార్యక్రమాలను ప్రత్యక్ష ప్రసారం చేస్తామని చెప్పారు